Xperience Fish er tækifæri fyrir ferðafólk, vinnuhópa, saumaklúbba, starfmannafélög og aðra hressa hópa sem vilja upplifa hvernig íslensk fiskvinnsla fer fram.
Sýningin fer fram í fiskvinnsluhúsnæði Stakkavíkur í Grindavík meðan á vinnslu stendur og tekur um 80 mínútur með mat.
Sýningin er létt, fersk og upplýsandi en fyrst og fremst áhugaverð fyrir þá sem ekki þekkja fiskvinnslu.
Við byrjum á því að kynna fyrirtækið okkar fyrir hópnum og sýnum myndband frá veiðinni. Í myndbandinu er ferlið frá því að lagt er úr höfn, fiskurinn veiddur og fluttur í vinnslu. Neðansjávarmyndir af fiskunum eru afar áhugaverðar.
Næst er hafið sig til og farið út á pallinn þegar vinnslan er í hámarki. Hér færðu að upplifa hvernig daglegur dugnaður í fiskvinnslufólki fer fram meðan við förum yfir vinnsluferlið á afurðunum.
Nú er tími til að slaka á og njóta afurðarinnar sem vinnslan færir heiminum. Við bjóðum uppá heimalagaða sjávarréttasúpu með ferskum fisk beint úr vinnslunni. Á meðan þú nýtur veitingana bjóðum við uppá heimildamynd um fiskvinnslu í heimabyggðinni okkar Grindavík.
Komdu endilega í þeim fötum sem klæða þig best eða þeim sem þér líður best í. Við mælum þó með að þú hafir síðerma flík meðferðis þar sem loftið í vinnslusalnum kann að vera svalt. Við útvegum þér svo hlífðarföt þegar farið er út á pallinn.
Svo framar að þú hellir ekki drykk yfir þig ertu alveg laus við að blotna innandyra hjá okkur. Sýningin fer að mestu leyti fram í okkar veislusal þar sem eina bleytan eru svalir eða heitir drykkir sem við bjóðum uppá. Pallurinn er hátt fyrir ofan vinnsluna svo að engin/nn blotni.
Við bjóðum uppá fisklausa súpu ef þú ert með ofnæmi fyrir sjávarréttum eða hefur ekki lyst á fiskiréttum. Veitingar eru ávallt valkvæðar fyrir hópa en við mælum eindregið með því að enda sýninguna á því að gæða sér á ferskri íslenskri sjávarafurð.
